ᓇᓗᓇᐃᕐᓂᖏᑦ

ᐱᕙᓪᓕᐊᔪᓕᕆᔨᒃᑯᑦ ᐃᖏᕋᔪᓕᕆᔨᒃᑯᓪᓗ ᖁᕕᐊᓱᑦᑐᑦ ᓴᖅᑭᑎᑦᑎᒋᐊᒃᓴᖅ ᓄᑖᒥᑦ ᐊᑐᐊᒐᕐᓂᑦ ᓇᒻᒥᓂᖅ ᐱᓕᕆᕝᕕᖁ­ᑎᒃᓴᒥᓐᓂᒃ ᐱᒋᐊᖅᑎᑦᑎᓇᓱᐊᖅᑐᓄᑦ ᓄᓇᕗᒻᒥ.

ᐅᓇ “ᖃᓄᖅ” ᐊᑐᕆᐊᓕᒃ ᐊᑐᐊᒐᒃᓴᕆᓪᓗᐊᕐᐸᑦ, ᓇᒻᒥᓂᒃᓴᒥᒃ ᐃᓱᒪᓯᒪᑦᓯᐊᑐᐊᕈᕕᑦ ᐊᒻᒪ ᐊᒃᓱᕈᕐᓇᕐᑑᒐᓗᐊᒥᒃ ᐃᖅᑲ­ᓇ­ᐃ­ᔭ­ᕈᒪᓂᖃᑦᓯᐊᑐᐊᕈᕕᑦ ᖃᐅᔨᔪᒪᓗᑎᓪᓗ ᖃᓄᖅ ᓯᕗᓪᓕᕐᐹᒥᑦ ᐱᒋᐊᖅᑎᑦᑎᕕᒃᓴᐅᒻᒪᖔᑦ ᐋᖅᑭᑦᓯᒪᑦᑎᐊᖅᑐᒥᑦ ᓇᒻᒥ­ᓂ­ᕆᓂᐊᕐᑕᓐᓂᒃ.

ᐅᓇ ᐊᑐᐊᒐᖅ ᑐᑭᓯᒋᐊᕈᑎᓪᓗᐊᑕᓂᑦ ᐱᑕᖃᖅᑐᖅ ᖃᐅᔨᒪᔭᕆᐊᖃᖅᑕᕐᓂᑦ, ᑕᐃᒫᒃ ᐃᖅᑲᓇᐃᔮᕆᔭᑎᑦ ᓄᑖᒥᒃ ᓇᒻᒥᓂᕐᑖ­ᕈᑎᒋᓇᓱᒃᑕᑎᑦ ᑮᓇᐅᔾᔭᑦᓴᕈᑎᒋᑦᓯᐊᕐᓂᐊᕋᕕᒋᑦ, ᐊᒻᒪ ᓄᖅᑲᖓᑎᑕᐅᑐᐃᓐᓇᕐᓂᐊᖏᓐᓇᕕᑦ “ᐊᐳᖅᑕᕈᑕᐅᕙᒃᑐᓄᑦ ᐊᓪᓚᕕᒻᒥᐅᑕᓂᑦ”.

ᑮᓇᐅᔭᓕᐅᕐᓂᕗᑦ ᐱᕈᖅᐸᓪᓕᐊᑐᐃᓐᓇᕐᑎᓪᓗᒍ, ᓄᓇᓕᓐᓂ ᓇᒻᒥᓂᐅᔪᑦ ᐊᑐᖅᑕᐅᓂᖅᓴᐅᓂᐊᓕᕐᖓᑕ ᓄᓇᓕᓐᓂᑦ ᑮᓇᐅᔾᔭᓴᑎᑦᑎᓂᕐᒥᑦ ᐊᒻᒪ ᐃᖅᑲᓇᐃᔮᒃᓴᓕᐅᕐᓂᕐᒥᑦ. ᑮᓇᐅᔭᓕᐅᕋᓱᐊᖅᑐᑦ ᓄᓇᕗᒻᒥ ᓄᓇᒦᖔᖅᑐᓂᑦ ᑲᒻᐸᓂᐅᔪᑦ ᓲᕐᓗ ᐅᔭᕋᓐᓂᐊᕐᑏᑦ ᐃᖃᓗᓕᕆᔩᓪᓗ ᓄᑖᓂᑦ ᐱᔭᒃᓴᓂᒃᑎᑦᑎᕙᑉᐳᑦ ᓄᓇᓕᓐᓂ ᓇᒻᒥᓂᕆᔭᐅᔪᓂᒃ ᓂᐅᕕ­ᐊᒃᓴᖃᖅᑎᑦᑎᔪᓐᓇᕐᓂᒃᑯᑦ ᐱᔨᑦᑎᕐᓂᒃᑯᓪᓗ ᑖᒃᑯᐊ ᑲᒻᐸᓂᐅᔪᑦ ᐱᔪᒪᔭᖏᓐᓂᒃ. ᐱᓕᕆᔪᖃᕈᓐᓇᕐᒥᔪᖅ ᐳᓚᕋᖅᑐ­ᓕᕆᓂᕐᒥᑦ, ᓴᓇᔭᐅᓯᒪᔪᓂᑦ ᓴᓇᖑᐊᒐᕐᓂᓪᓗ ᐊᒻᒪ ᐊᓯᖏᓐᓂᑦ ᓇᒻᒥᓂᐅᔪᓐᓇᕐᑐᓂᑦ. ᐊᒥᓲᓂᖅᓴᑦ ᓄᓇᕗᒻᒥᐅᑦ ᐃᓱᒪᖃᑦᑕᖅᓯᒪᒻᒪᑕ ᓇᒻᒥᓂᖃᕈᒪᓂᕐᒥᑦ−ᓇᖕᒥᓂᖅ ᐱᓕᕆᕝᕕᒋᓗᓂᐅᒃ.

ᐊᕐᕕᓂᓖᑦ ᐊᑕᐅᓯᕐᓗ (7) ᐊᑐᖅᑕᐅᒋᐊᓖᑦ ᐃᓕᓐᓂᑦ ᐃᑲᔪᕈᓐᓇᖅᑐᑦ ᐱᒋᐊᖅᐸᓪᓕᐊᓕᕐᑎᓪᓗᑎᑦ ᓇᒻᒥᓂᕐᓂᑦ ᓇᓗᓇᐃ­ᔭᐃᔪᑦ ᖃᓄᐃᓕᐅᖃᑦᑕᕐᒪᖔᑕ ᓇᒻᒥᓂᖃᕐᑐᑦ ᓄᓇᕗᒻᒥ, ᐊᒻᒪ ᖃᓄᐃᓕᐅᖃᑦᑕᑐᑦᓴᐅᒻᒪᖔᖅᐱᑦ ᑲᔪᓯᑦᑎᐊᖁᓪᓗᑎᑦ.

ᑲᔪᓯᑦᑎᐊᖁᒍᒥᓇᕐᐳᑎᑦ ᓄᑖᒥᑦ ᐱᓕᕆᓇᓱᐊᓕᕐᑎᓪᓗᑎᑦ!